Jangan Lupa Sejarah,Berikut Beberapa Haba Ureung Aceh jameun


HABANANGGROE24.COM | ACEH TIMUR - Aceh yabg dikenal dengan Serambi Mekah yang mempunyai berbagai adat istiadat.
Adat orang aceh menjadi tradisi bagi masyarakat Aceh.

Seiring dengan perkembangan zaman yang semakin hari semakin maju,adat aceh hampir sirna dan engan di kembangkan oleh masyarakat Aceh.

Berikut beberapa pepatah nenek moyang orang aceh yang masih menjadi pedoman kita.


Peudong hukom deungon adat

Kong adat adee raja

Matee aneuk meupat jeurat

Gadoh adat hana pat tamita


Adat raja bakna rakyat

Adat meukat dong bak riaA

dat panglima bakna teukaboe

Adat kanto meutuleh baca


Tatijiek bakna tangke

Tagule bakna sagoe

Goh tapubuet awai tapike

Bek malee bak uroe dudoe


Panyang patah leuhue reubah

Manyang talhob, meuyub ta langkah

Raja adee raja ta seumah

Raja jahe raja tabantah


Adat umong meubak ateung

Adat ureung meupetua

Adat pague bakna beunteung

Bak babah lhueng bakna runja


Hukom lillah sumpah bek

Hukom adat ikat bek

Hukom adee pakee bek

Hukom meujroh mupoh bek


Adat meukong reubong

Hukom meukoh purieh

Adat barang gapat jiet takhong

Hukom barang gapat hanjeut takieh


Adat bak po teu meureuhom

Hukom bak syiah kuala

Kanun bak putroe phang

Reusam bak lakseumana


Umong meuateng

Ureung meupeutua

Rumoh meuadat

Pukat meukaja


Pantang peudeng meulinteng sarong

Pantang rincong meubalek mata

Pantang ureung diteuoh kawom

Pantang hukom ta pejeut peukara


Pantang bajee meubalek takue

Pantang silluewe me balek suja

Pantang inong meulakee bak madu

Pantang tengku hana jeut aleh ba


Leumoh tanoh keubeu meukubang

Leumoh geudubang di gob panglima

Leumoh nanggroe sabee dalam prang

Leumoh parang beuso tan meulila


Leumoh hukom di atoe le pangkat

Leumoh adat jahee raja

Leumoh kanun tinggai bak kalam

Leumoh reusam gadoh budaya


Meugah bak ureung meupangkat

Adat bak ureung kaya

Do'a bak ureung gasien

Ceukien bak ureung papa


Rampak langet karena bintang

Rampak blang get seumula

Rampak kayee seubab lhee cabeung

Rampak ureung ramee syedara


Tameutani bakna saba

Ta ibadat tameujaga

Tameukat tamita laba

Tahudep bakna usaha


Keumeung keu seunang ta peuget rumoh

Keumeung keu mehmoh meukawen dua

Keumeung keu kaya tajak ceumatok

Keumeung keu krek krok ta meuniaga


Laen tajok laen ta pueblo

Bandum geutanyo bak tapeu beda

Meunyo tajok han jiet barang gasoe

Meunyo tapeubloe bandum sama                


Post a Comment

0 Comments